«Жасыл көпір ұрпақтан-ұрпаққа» форумына онлайн қатысу
2016 жылдың 11-12 сәуірінде әл-Фараби атындағы Қазақ ұлттық университетінде мемлекетіміздің басшысы Н.Ә. Назарбаевтың «ХХI ғасырдағы тұрақты дамудың ғаламдық энергоэкологиялық стратегиясын» және «Жасыл көпір» бастамасын жүзеге асыруды қолдауға арналған V Халықаралық студенттік форум «Жасыл көпір ұрпақтан-ұрпаққа» өтеді.
Форумның негізгі мақсаты студенттер мен жас ғалымдарды «жасыл экономика» үрдісін дамытуға қатыстыру және тұрақты дамуды қамтамасыз ететін және экологиялық бастамаларды орындау саласындағы студенттік ұйымдармен тәжірибе алмасу және қарым-қатынасты нығайту.
Форумның бағдарламасы:
- Толық мәжіліс жұмысы;
- Панельді секциялар келесі бағыттар бойынша:
- «Тұрақты даму үшін әлеуметтік жобаларды алға бастыру және студенттерде экологиялық мәдениеттің қалыптасу проблемасы»;
- «Тұрақты даму және жасыл экономика мәнмәтініндегі «ерекше қорғалатын табиғи аймақтар»»;
- «”Жасыл” экономикаға өту: білімнің, ғылымның және өндірістің өзара әрекеттестігі».
Құрметті қатысушылар және осы форумға қатысам деушілер!
Сіздер осы іс-шараға онлайн форматта қатыса аласыздар, ол үшін өздеріңіздің gmail.com электронды почталарыңызды осы электронды почтаға greenbridgework@mail.ru 2016 жылдың 10 сәуіріне дейін жіберіңіздер немесе сілтемені басып форумның трансляциясына қатыса аласыздар. Сілтеме форумның басталуына 30 минут қалғанда http://greenbridgework.kaznu.kz/ сайтында орналастырылады.
