«7M05209 – Геоэкология және табиғатты пайдалануды басқару» мамандығы бойынша магистранттармен жұмыс берушілердің кездесуі
Қазіргі уақытта топырақтану және агрохимия саласындағы мамандардың жетіспеушілігі сезілуде, экономиканың дамуына байланысты бұл профильге мамандарға деген қажеттілік арта түседі.
Қазақстан нарығында көптеген жұмыс берушілер әл-Фараби атындағы ҚазҰУ-дың тұрақты даму бойынша ЮНЕСКО кафедрасының түлектерін жұмысқа орналастыруға мүдделі.
Жұмыс берушілер студенттермен және магистранттармен белсенді жұмыс істейді, оларды өздерінің ғылыми-зерттеу институтында жұмыс істеуге даярлауға, өндірістік практикаға және тұрақты жұмысқа қабылдауға дайын.
Мәселен, 2020 жылдың 22 желтоқсанында бас директордың орынбасары З.А.Тукенованың жетекшілігімен білім беру бағдарламасы бойынша «7М05209 – Геоэкология және табиғатты пайдалануды басқару» мамандығы бойынша мамандықтың 2 курс магистранттары «Ө.О. Оспанов атындағы қазақ топырақтану және агрохимия ғылыми-зерттеу институты» ЖШС-іне шақырылып, онда мекеме қызметкерлерімен кездесу ұйымдастырылды. Кездесу соңында ғалымдар магистранттардың көптеген сұрақтарына жауап берді, оларды өндірістік және диплом алдындағы тәжірибелер, ең төменгі жалақы, қол жетімді бос жұмыс орындары, мансап болашағы сияқты сұрақтар қызықтырды.
Мұндай кездесулер өте маңызды, өйткені олар студенттер мен магистранттарды жұмыс мазмұны жағынан да, оның шарттары тұрғысынан да әлеуетті жұмыс берушілердің ұсыныстары туралы ақпаратпен қамтамасыз етуге, сондай-ақ олардың болашақ мамандығының ерекшеліктері туралы тікелей білуге мүмкіндік береді және оларға болашақ жұмысқа орналасу және өзін-өзі тану проблемаларын шешуге сенімділік береді.
