ЖАС ҒАЛЫМДАР КЕҢЕСІ ЖАҢА ҚҰРАМЫНЫҢ АЛҒАШҚЫ ОТЫРЫСЫ ӨТТІ

ЖАС ҒАЛЫМДАР КЕҢЕСІ ЖАҢА ҚҰРАМЫНЫҢ АЛҒАШҚЫ ОТЫРЫСЫ ӨТТІ

Астанада Жас ғалымдар кеңесінің жаңа құрамы өз жұмысын бастап, алғашқы отырысын өткізді.
Жас ғалымдар кеңесінің жаңа құрамына ғылымды дамыту барысында әр салаларда қызмет атқарып жүрген еліміздің жиырма маманы енді. Жас ғалымдар кеңесінің құрамына тұрақты даму бойынша ЮНЕСКО кафедрасының аға оқытушысы, Зоология институтының ғылыми хатшысы, Энтомология зертханасының аға ғылыми қызметкері, PhD Танабекова Гүлжанат Бакытовна қабылданды.
Отырысқа ғылым және жоғары білім вице-министрі Дархан Ахмед-Заки, Ғылым комитетінің төрағасы Ғалымжан Жанқуатов, жас ғалымдар кеңесінің мүшелері қатысты.
Вице-министр Дархан Ахмед-Заки жас ғалымдардың алдында құттықтау сөз сөйлеп: «Жас ғалымдардың жаңа құрамының алдында нақты міндеттер тұр, біз оны дамыту аясында сындарлы диалог болады деп үміттенеміз» деп атап өтті.
Ғылым комитетінің төрағасы Ғалымжан Жанқуатов өз сөзінде бұрынғы құрамдағы Жас ғалымдар кеңесінің мүшелерінің ғылым саласының дамуына қосқан үлестерін ерекше атап өтті.

Кеңестің алдында Мемлекет басшысының жас ғалымдарды қолдау жөніндегі тапсырмаларын орындау, ғылымды реттеу механизмдеріне ұсыныстар енгізу және т.б. міндеттер тұр.

Жас ғалымдар кеңесінің отырыстары тоқсан сайын өткізілетін болады.