Жоба бойынша серіктестердің іскерлік кездесуі ERASMUS-EDU-2023-CBHE-STRAND-1 – Capacity building in the field of higher education ” Орталық Азиядағы білім мен бизнестегі жер ресурстарын, қоршаған ортаны және қатты қалдықтарды басқару (LESLIE)”
15/02/2024 жылы Еуропалық Одақтың жобалық офицері Maria-Sol Dominguez-Parrado ERASMUS-EDU-2023-CBHE-STRAND-1 – Capacity building in the field of higher education ” Орталық Азиядағы білім мен бизнестегі жер ресурстарын, қоршаған ортаны және қатты қалдықтарды басқару (LESLIE)” жобасы бойынша Консорциум мүшелерімен жұмыс кездесуі өтті.Кездесуге ЕО-ның 3 елінен (Испания, Италия, Кипр) және Орталық Азияның 2 елінен (Қазақстан және Өзбекстан) 14 ұйым қатысты.LESLIE жобасы Орталық Азияның жоғары оқу орындары (ЖОО) жер ресурстарын тұрақты басқару саласындағы таяудағы білім беру бағдарламаларында пайдаланатын жаңа әлеуетті дамытуға бағытталған.Біздің университеттің өкілдері география және табиғатты пайдалану факультетінің Тұрақты даму бойынша ЮНЕСКО кафедрасының және физика-техникалық факультеттің жылу физикасы және техникалық физика кафедрасының оқытушылары болып табылады.
Кездесу барысында жоба бойынша негізгі міндеттер қаралды, Валенсия қаласында өткен жоба қатысушыларының бірінші кездесуінде талқылаудың негізгі тұстары анықталды.
