Мега Грант консорциумы мүшелерінің бірінші жұмыс кеңесі

Консорциум мүшелерінің “Жасыл өсу контекстінде Батыс Қазақстан өңірінің табиғи-шаруашылық және әлеуметтік-экономикалық жүйелерінің тұрақты дамуы: кешенді талдау, тұжырымдама, болжамдық бағалау және сценарийлер” БМҚ BR21882122 шеңберінде Мега Грантты іске асырудың 1-ші жылының нәтижелері бойынша алғашқы жұмыс кеңесі өтті.

Кеңеске осы жобаның барлық орындаушы ұйымдары қатысты: “Әл-Фараби атындағы Қазақ ұлттық университеті” КеАҚ; “География және су қауіпсіздігі институты” АҚ; “У. М. Ахмедсафин атындағы гидрогеология және геоэкология институты” ЖШС;     “У. У. Успанов атындағы Қазақ топырақтану және агрохимия ғылыми-зерттеу институты” ЖШС; “Балық шаруашылығының ғылыми-өндірістік орталығы” ЖШС; “Ш. Есенов атындағы Каспий мемлекеттік технологиялар және инжиниринг университеті” КеАҚ; “Махамбет Өтемісов атындағы Батыс Қазақстан университеті” КеАҚ; ҚР ЭжТРМ ОШ және ЖДК “Ботаника және фитоинтродукция институты” ШЖҚ РМК; ҚР ҒжЖБМ ҒК “Экономика институты” ШЖҚ РМК.

Аталған кеңестің модераторы Басқарма мүшесі – Әл-Фараби атындағы Қазақ ұлттық университетінің ғылыми-инновациялық қызметі жөніндегі проректоры                   Ж. Н. Айтжанова болды, сондай – ақ Мега Гранттың ғылыми жетекшісі, г. ғ. д., проф. М. А. Асқарова және жобаның кіші бағдарламаларының жетекшілері бірінші кезең бойынша міндеттердің орындалуын баяндады.

Қорытындылай келе, география және табиғатты пайдалану факультетінің деканы Ақтымбаева Әлия Сағындыққызы барлық қатысушыларға күнтізбелік жоспар бойынша тапсырмалардың уақтылы орындалуын тіледі.